خواطر حول التدخين ..

خواطر حول التدخين ..

حد عارف ان مصر تستهلك فى السنة 84 مليار سيجارة (احصائية سنة 2011) !!
يعنى ذنب متفشى فى المجتمع بطريقة فظيعة ..
المشكلة ان ناس كتير ممكن تكون مش عارفة ان شرب السجاير ده ذنب كبير جداً جداً ..
بس من كتر ما هو منتشر .. الناس اتعودت عليه ..
طيب ..
تعالى نشوف ايه هى المعاصى اللى بيقع فيها اللى بيشرب سجاير ..

1-يقول الله تعالى " ولا تقتلوا أنفسكم إن الله كان بكم رحيما "النساء29 .. لا شك ان الساير بتجيب أمراض لا حصر لها .. بشربك للسجاير انت كده بتقتل نفسك ببطئ .. لما انت تكون مش رحيم بنفسك .. أى رحمة ترجو من رب العالمين ؟؟؟ ..

2- قال صلى الله عليه و سلم "لا تزول قدم ابن آدم يوم القيامة من عند ربه حتى يسأل عن خمس : عن عمره فيم أفناه ، وعن شبابه فيما أبلاه ، وعن ماله من أين اكتسبه وفيم أنفقه ، وماذا عمل فيما علم "صحيح الترمذي .. عملت ايه بفلوسك ؟؟ تخيل واحد ربنا يسأله عن ماله اللى صرفه على السجاير !! تخيل الرقم ده أد إيه و هيجاب يقول ايه ؟؟ والله موقف يدمى له الجبين ..

3-لما تكون بتصرف على علبة السجاير 10 و 15 جنيه .. فى وقت ناس كتير جداً مش لاقيه تاكل .. احذر تكون ممن قال الله تعالى فيهم "ولا تبذر تبذيرا * إن المبذرين كانوا إخوان الشياطين وكان الشيطان لربه كفورا"(الإسراء:27-28) .. لا تكون أخاً للشيطان ..

4-انت عارف ان كل واحد انت أذيته بدخانك هيأخذ حقه منك يوم القيامة مش كده بس .. انت عارف انك هتتحاسب على كل ذرة هواء لوثتها بدخان السيجارة ..معروف ان السجاير تأثيرها قليل جداً على الجو .. كذلك ميزان رب العالمين لا يدع أى شئ و لا أقل القليل .. "ونضع الموازين القسط ليوم القيامة فلا تظلم نفس شيئا وإن كان مثقال حبة من خردل أتينا بها وكفى بنا حاسبين"الأنبياء47 .. فهو يزن بمثقال الذرة ..

5-تشرب السجاير فى وضح النهار و لا تستحى من نظر الله تعالى لك !!و انت بتمشى على أرضه و تحت ظل سمائه .. و هو اللى رزقك بالفلوس اللى انت بتعصيه بها !! قال تعالى "وما قدروا الله حق قدره"الزمر67

6-بعد أما عرفت انها حرام عملت ايه ؟؟ لسه بتشرب برضو و مفكرتش تتوب ؟!؟ قال تعالى "ويل لكل أفاك أثيم يسمع آيات الله تتلى عليه ثم يصر مستكبرا كأن لم يسمعها فبشره بعذاب أليم"الجاثية7-8 .. لا تصر و ابدأ انك تسيبه ..

لسه فى حاجات تانية .. بس مش عايز أطوّل أكتر من كده ..

كل ده على السجاير بس و طبعاً الشيشة زيها بالظبط .. المخدرات زيها و أكبر بكتير طبعاً ..

والله الموضوع ده كبير جداً و ناس كتير استسلمت له .. اعلم ان ده ذنب مينفعش تقابل به ربنا تبارك و تعالى .. ابدأ من دلوقت استعن بالله و خد خطوات جديّة فى تبطيله .. و اسأل الله أن يمن عليك بتوبة قبل أن تلقاه ..

اللهم إنا نسألك المعافاة فى الدنيا و الأخرة .. اللهم آمين 

تابع القراءة: